ذکر شبِ فراق سے وحشت

میری پسند

ذکر شبِ فراق سے وحشت اسے بھی تھی
میری طرح کسی سے محبت اسے بھی تھی

مجھ کو بھی شوق تھا نئے چہروں کی دید کا
رستہ بدل کےچلنے کی عادت اسے بھی تھی

اس رات دیر تک رہا وہ محوِ گفتگو
مصروف میں بھی کم تھا فراغت اسے بھی تھی

مجھ سے بچھڑ ا تو شہر میں‌ گھل مل گیا وہ شخص
حالانکہ شہر بھر سے عداوت اسے بھی تھی

وہ مجھ سے بڑھ کے ضبط کا عادی تھا جی گیا
ورنہ ہر ایک سانس قیامت اسے بھی تھی

سنتا تھا وہ بھی سب سے پرانی کہانیاں
شاید رفاقتوں کی ضرورت اسے بھی تھی

تنہا ہوا سفر میں تو مجھ پہ کھلا یہ بھید
سائےسے پیار دھوپ سے نفرت اسےبھی تھی

محسن میں اس سے کہہ نہ سکا یوں بھی حال دل
درپیش ایک تازہ مصیبت اسے بھی تھی

اے میری زندگی کے خواب

اے میری زندگی کے خواب شام بخیر شب بخیر
ڈوب چلا ہے آفتاب، شام بخیر شب بخیر

ایسا نہ ہو کہ دن ڈھلے روح کا زخم کھل اٹھے
کیسے کہوں مرے گلاب، شام بخیر شب بخیر

تیرہ شبی کی وحشتیں اب کوئی دن کی بات ہے
خلوت جاں کے ماہتاب، شام بخیر شب بخیر

میں بھی وفا سرشت ہوں پاس وفا تجھے بھی ہے
دونوں کھلی ہوئی کتاب، شام بخیر شب بخیر

موسم ابر و باد سے اب جو ڈریں تو کس لیئے
کھل کے برس چکا سحاب، شام بخیر شب بخیر

میری نظر، مرا شعور، مری غزل، مرا جنوں
سب کا تجھے سے انتساب، شام بخیر شب بخیر

وہ اپنے گھر چلا گیا افسوس مت کرو

سارے وعدوں کو بھلا سکتا ہوں مگر رہنے دو

احمد فراز کے آخری الفاظ